Falgun 16th 2076
सानो असवधानीले सडक दुर्घटनाबाट बर्षेनी ठुलो धनजनको क्षती भइरहेको परिपक्षेमा जगदम्बा सिमेन्टले सचेतनाका हिसावले सामाजिक उत्तरदायित्व बहन गर्दै “तपाईको जीवन सुरक्षामा साथ छ जगदम्बा सिमेन्टको” भन्ने मुलनारा लिई नेपालका विभिन्न शहरहरुमा गई सो क्षेत्रका ट्राफिक प्रहरीको सहकार्य र समन्वयमा हेल्मेट वितरण गर्ने क्रममा यहि माघ १३ गते भैरहवा र बुटवल क्षेत्रमा उक्त कार्यक्रम सम्पन्न गरेको छ ।
उक्त कार्यक्रममा, सिद्धार्थनगर उद्योग बाणिज्य संघका अध्यक्ष श्री कुल प्रसाद न्यौपाने, उपाध्यक्ष श्री ठाकुर कुमार श्रेष्ठ , नेपाल ट्राफिक प्रहरी रुपन्देही जिल्लाका प्रहरी निरिक्षक महेश बस्नेत को उपस्थितिमा २०० भन्दा बढी हेल्मेट वितरण गरिएको थियो ।
उक्त कार्यक्रममा जगदम्बा सिमेन्टका च्यानल पार्टनहरुले दुई पाङ्गे (मोटर साईकल तथा स्कुटर) चालकहरुलाई हेल्मेट लगाइ दिई सडक दुर्घटनाबाट बच्न अनिवार्य हेल्मेटको प्रयोग गर्नुपर्ने जानकारी समेत दिएका थिए ।
कम्पनीका तर्फबाट जगदम्बा सिमेन्टका बरिष्ठ महाप्रबन्धक श्री विदुर ढुङ्गाना ज्यूले सामाजिक उत्तरदायित्व वहन गर्दे देश ब्यपी रुपमा यो अभियान संचालन भैरहेको जानकारी गराउनु भएको थियो । थप यस्ता सामाजिक कार्यहरु अझपनी रहेको र देशब्यापी रुपमै गर्दै जाने कुरा जगदम्बा सिमेन्टका बरिष्ठ ब्राण्ड मेनेजर जगन्नाथ दहालले बताउनु भयो ।
Jagadamba Support